كا مجتمع نحنا عارفين الفئه دي شنو وعارفين قدر شنو هي مظلومه ومع ذالك ماف زول متقبل الفئه دي
الامن رحم ربي
ماف زول بتقبل بتجاملو مااااااكتر بس وقت الجد
بتسحبو الكلام
الفئه دي مظلومه ومحرومه من اي شي حتي ابسط الاشياء ذنبها الوحيد انها كانت ضحيه لتجارب فاشله وناس متابعه هواء انفسم ذنبهم ف الدنيا انهم كان مجرد غلطه لي ناس ماعندها ذرة ضمير ولااحساس لي ناس فاقده الدين اولا وفاقده الضمير والاحساس ثانيا
كاولد اوبت غلط
الزول مابحل الغلط ب غلط
حتي لوغلط وجدع حاجه منو بكون مرتاح
م بحس مجرد احساس بتانيب الضمير
الجزء الاول من الروايه مااتكلمتا فيهو عن التفاصيل دي )
#قال لي مالك اسي انتي
قلتا لي ماعايزه اتكلم زح مني
ومشيت طوالي وقفتا لي المواصلاات ركبتا
وصلتا الجامعه لقيت المحاضره انتهت
والبعديها بدت الدكتور ابا يدخلني طلعتا بره قعدتا ف بينش وكنت بس بفكر ف حياتي دي المامعروفه بدايتا من نهايتا حياتي اصلا دي ماحياه
كنت بفكر قطع تفكيري ولد من دفتنا اسمو طارق
قال لي الجميل سرحان وين
قلتا لي يااخ حايكون وين
قلتا لي مالك جيت خليت المحاضره
قال لي طردوني الراجل دا كرهنا زاتو
قلتا لي دفعه يااااا وبقينا نضحك
قال لي خلاص ارح ناكل يااخ قبل الشله م يجو
مشينا اكلنا
عزمني طارق
#طارق دا اقرب زول لي ف الجامعه واكتر زول بحكي ليهو وعارف اي شي لمن اكون زهجانه بجي احكي ليهو
اكلنا قال لي مالك كنتي بتبكي قلتا لي اتشاكلنا زي كل يوم وضيعتا محاضراتي
قال لي يازوله مامشكله محاضرات دي مقدور عليها
براجع ليك انا ماتخافي قلتا اسمي الضعتا
قال لي والله قلتا لي ااااي
ونحنا بنتونس كدا الساعه 1جات قلتا لي طارق جاريه انا عشان اصل الشغل
قال لي طيب نشرب جبنه قلتا لي لالا الزمن يااخ
احسن امش يطردوني ساي
طلعتا واقفه لي المواصلات لفت نظري العربيه حقت الصباح واقفه نزل منها الولد قال لي لوسمحتي
ممكن اتكلم معاك
قلتا لي بخصوص قال لي بس خلينا نتكلم وبوريك بخصوص
قلتا لي لكن انا ماعندي زمن ماشه الشغل
قال لي طيب خليني اوصلك ونتكلم وقت تاني
اترددتا ف البدايه
قال لي ماتخافي مابعمل ليك حاجه والله
قلتا لي طيب ركبتا معاهو ف العربيه كدا
تلفوني ضرب
ضربت اسلام اختي قالت لي يانجمه كان عندي 200جنيه ف دولابي مالقيتم قلتا ليها ماعارفه انا م شلتهم
قالت لي يعني الحايشيلم منو غيرك ماف زول غريب ف البيت دا
جابت ليها سرقه كمان تعالي جيبي القروش دي والام بحصل ليك طيب عمايل بنات الحرام دي ماتعمليها علي انا تمام ياانتي
قلتا ليها لكن انا والله ماشلتهم قالت لي يعني ماعايزه تعترفي طيب تمام بس اليله م تجي
طوالي بقيت ابكي يااخ انا زهجتا لوزول نص اليل جاتو صحيه مالقا شاحنو يجوني جارين وين الشاحن شلتي مش اي حاجه بضيع زول بفتشا ماف بس بقولو انا سرقتها.
اي شي كعب بخصني انا عندهم
عشان شنو عشان معروفه طبعا بت حرام
اداني منديل وطلع لي موية صحه شربتها
وكنت ساكته قلتا لي بس نزلني الشارع الجاي دا
قال لي طيب
جيت انزل قال لي ممكن اشيل رقم تلفونك
اديتو ليهو اصلا ماعندي اخلاق لي حاجه
والزمن فات واتاخرتا وصلتا الشغل دخلتا سريع سريع
ناداني المدير بتاع الشغل قال لي مابدري يااذستاذه نجمه عازمنك غداء نحنا
قلتا اسفه بس مابتتكرر انا كنت ف الجامعه عشان كدا
قال لي اصلا لواتكررت حاتشوفي شغل غير دا. وانا مالي ومال جامعتك مابهمني كتير
يلا امشي علي شغلك
مشيت سريع غيرتا ملابسي لبستا لبس الشغل (الحمدلله وين م امش مابلقا زول يقيف معاي بس الله كريم)
وجيت استلمتا. شغلي
*مهما كان حجم آلامك وخيباتك انت لاازم تصبر،وتقاتل وأوعك تتخل عن حلمك مهما كان بعيد ومستحيل ، اتذكر انو ربنا قال "هو عليّ هين" 💙 ، طيب ليه نشيل هم وربنا قادر وسامع وعارف ؟؟ اي انت حتقع وتقوم وتقع وتقوم ميه مره بس مامهم وقعت كم مره.. المهم انك كل ماتقع تقوم أقوى من الأول وتتعلم من وقعتك ، والعتره بتعلم المشيه 💙ودائما خليك واثق تماما انو تعبك عمرو ماحيروح ساي وف النهايه حتحقق حلمك عشان كدا أطمح وأحلم وارسم خطتك وامشي عليها واتوكل علي الله 💙*
*وأتذكر.. أنت قادر*
*•••••••••••••••••••••••••••••••••••••••••••••••••••••••••••*
الرواية كاملة تحت الاعداد لا تنسى تعليقك ومتابعة الموقع
تعليقات
إرسال تعليق