*يارب وإن وهن الفؤاد وتزلزلت في الروح اركان الفؤاد*
*يارب ان تهت وتفرقت في دربي هبني دروبا لا تضيق*
*يارب*
#زح مني ياحيوان زح مني يااخ ماتقرب مني
ماعملتا ليك حاجه انا زح مني
ماتقرب مني زحو مني خلوني خلوني ماتاذوني عليكم الله ياااارب ساعدني ياربي
مابتكلم ماحااتكلم بسكت مابوري زول
بس خلوني في حالي ماعملتا حاجه انا والله
نجمه يانجمه اصحي مالك في شنو بتحلمي قومي. انتي بتحلمي شكلك
قولي بسم الله
بسم الله
#انا نجمه بقرا۽ في الجامعه مستوي 2 جمارك
جامعة .....
عشرينيه كدا
عايشه ف بيت عادي ومتواضع ف ام درمان
بتكون من اسره فيها 4اشخاص
امي +اخواني2 +اختي واحده وابوي مسافر ماقاعد معانا طبعا انا معتبراهم كدا
ديل مااهلي انا مامعروف اهلي وين زاتو
احيانا ف حاجات ماعندنا ذنب فيها بس بتكون محسوبه علينا والحاجات دي بتكون مربوطه بينا شديد ملازمانه طول العمر
انا شغاله ف مكان بتاع ملابس
بصرف علي نفسي وبساعد ناس البيت
حتي لو مابصرفو علي احتياجاتي علي الاقل ربوني
انا زوله جميله شديد ملامحي حلوووه طولي متوسط وجسمي زابط مع شكلي استايل زي مابقولو الناس
بس مافارق معاي كتير كلو واحد
من كلام الناس علي كلام ناس الحله علي كلام خالتي علي كلوووو انو انا لقيطه وانو انا بت حرام
بقيت عايشه براااااي ف زاويه بتخصني مابدخل ف حاجه بس بسمع وبطنش عشان م اتعب روحي كتير
واجيب لي ضغط لكن الامه كلها عارفه انو نجمه لقيطه
انتها
صحيت من النوم بصوت اختي
يازفته يانجمه انتي ماتقومي نايمه لمتين الساعه زفت جات والشغل دا لسه مردوم منتظراني انضف انا والاامي تقوم تنضف ليك
قمتا طوالي اتسوكتا وصليت ونضفتا البيت وخلصتا لبستا عشان اطلع
قالت لي علي وين مافي فطور اعملي لينا
لكن يااسلام انا ماشه عندي محاضرات احصل متين
والله دي مشكلتك في زول قاليك قومي اسي
رجعتا المطبخ وعملتا الاكل وطلعتا خلاص الساعه ماشه لي 10
وعندي محاضره مهمه شديد واكيد ماف مواصلات اعمل شنو انا اعمل شنو اصل كيف
وقدر القروش العندي تكفي مواصلاات
بقيت ابكي والله
قعدتا جنب الشارع بتاع العربات وكنت ببكي
تراكمات كلها علي الحاجات الاانا فيها دي
واثنا۽ مااانا ببكي كدا وقاعده
وقفت عربيه ونزل منها ولد شاب
لابس ملابس بتاع جيش ورتبه شنو كدا مابعرف
جا۽ قال لي يااخت مالك ف حاجه بقدر اساعدك
مارديت ليهو اكتفيت ب انو اسكت بسسسس
قال لي لوسمحتي
قلتا لي ف شنو يااخ مادايره مساعده من زول
خلوني في حالي بسسس بسس خلوني وانا برتاح
*•••••••••••••••••••••••••••••••••••••••••••••••••••••••••••*
يتبع
تعليقات
إرسال تعليق